Ресми ашылуына дейін-ақ мүсінді орнату кезінде түсірілген фотолар әлеуметтік желілерде тез тарап, Қазақстандағы көптеген БАҚ-қа жарияланды. Ал Қазақстандағы адам тізбегі кейін бүкіл әлемге тараған тізбекті реакцияға ұласып, нағыз жаһандық медиа-сенсацияға айналды.
Мүсін туралы мыңдаған паблик пен блогер жазып, жүздеген БАҚ пен телеарна сюжет жасады. Олардың қатарында CBS, BBC, Globo сияқты ірі халықаралық медиалар да бар. АҚШ, Мексика және Бразилиядан бастап Испания, Үндістан мен Сингапурға дейінгі елдерде бұл туралы кеңінен айтылды.
Қазіргі таңда мүсін туралы жарияланымдар әлемнің 105 елінде таралып, жаһандық қамту көрсеткіші 1 миллиардтан, ал лайктар мен пікірлердің жалпы саны 80 миллионнан асты. Бұл сандар шындыққа жанаспайтындай көрінуі мүмкін. Алайда бір ғана жарияланымдағы видео 53 миллион қаралым жинаса, тағы бір пост 2 800 000 лайк пен 40 000 пікір алды.
Ең әсерлісі – мұның бәрі нөлдік медиа-бюджетпен жүзеге асты: жаңалықты таратуға бір тиын да жұмсалған жоқ. Бұл креативтің шынайы күші. Қазақстанда мұндай ауқымды жаһандық вирустық қамтуға қол жеткізген алғашқы кейс деуге болады.
Бұдан бөлек, мүсін ел имиджін ілгерілетудің қуатты құралына айналды. Ол Қазақстанның танымалдылығын арттырып, елдің жағымды бейнесін күшейтті. Әлемнің түкпір-түкпірінен жазылған мыңдаған пікірде адамдар: «Осындай мейірімді әрі ашық адамдар тұратын Қазақстанға барғым келеді» деп жазады. Ал қазақстандықтар мақтанышпен «Бұл біздің Қазақстан! Бұл Алматы!» деп пікір қалдырады.
Бүгінде мүсін Алматы тұрғындары үшін жаңа тартылыс нүктесіне, қаланың символдарының біріне айналып қана қоймай, Қазақстанға келетін туристер мен қонақтарды қызықтыратын әлемге танымал орындардың біріне айналды.
ForteBank-тің «Бірлік» арт-нысанына қатысты кейсі әлемдік креативті кәсіби қауымдастықта жаһандық деңгейде мойындалды. ForteBank тамыз айының соңында Оңтүстік Кореяда жыл сайын өтетін Азия-Тынық мұхиты аймағындағы (APAC) ең ірі жарнама фестивалі - Mad Stars аясында PR номинациясы бойынша Гран-при иеленді. Осылайша банк Жапония, Қытай, Корея, Австралия, Жаңа Зеландия, Таиланд, Үндістан және басқа да елдердің ең танымал брендтерін артта қалдырды.
Бұл - Қазақстан мен Орталық Азия тарихындағы Mad Stars фестиваліндегі ең алғашқы жоғары деңгейдегі марапат болды. Фестивальға әлемнің 83 елінен 20 000-нан астам жұмыс ұсынылды, оларды 28 елден келген 350 қазылар алқасының мүшесі бағалады. Гран-приден бөлек, жоба «Сыртқы жарнама (Outdoor)» және Brand Experience and Activation номинациялары бойынша тағы екі алтын марапатқа, сондай-ақ өзге номинациялар бойынша үш қола марапатқа ие болды.
Осыған дейін бұл кейс басқа да халықаралық фестивальдерде жоғары бағаланып, бірқатар беделді марапатқа ие болды. Сондай-ақ Франциядағы әлемдегі ең ірі әрі ең танымал жарнама фестивалі, жарнама әлемінің «Оскары» саналатын Cannes Lions фестивалінде финалист атанып, шорт-листке енді. Украинадағы KIAF, Әзербайжандағы Baku Flames және Беларусьтегі White Square фестивальдерінде жоба түрлі номинациялар бойынша Гран-при, алтын, күміс және қола жүлделерді жеңіп алды.
Қазіргі таңда кейс жалпы саны 22 түрлі марапатқа ие болды. Осылайша, ForteBank-тің бұл идеясы Қазақстан мен Орталық Азия тарихындағы ең танымал әрі ең көп марапатталған PR-кейске айналды.
Аталған мүсін туралы жарияланымдар әлемнің 105 елінде жарық көрді, ал оған қатысты бейнероликтер 1 миллиардтан астам қаралым жинап, бұл көрсеткіш әлі де өсуде. Арт-нысан тіпті әлемге әйгілі PUBG ойынының карталарында да пайда болды. Осының арқасында ForteBank кейсі Қазақстан мен бүкіл Орталық Азия өңірі тарихындағы ең көп таралған әрі ең резонансты кейстердің біріне айналды.
Тапсырыс беруші:
Антон Ким — Маркетинг жөніндегі директор (CMO), Forte
Сино Ализода — Креативті директор, Forte
Айнур Жаманова — Marketing Production & Service бағытының жетекшісі, Forte
Малика Караджанова — PR және CSR бөлімінің жетекшісі, Forte
Марат Ботин — Digital-маркетинг бағытының жетекшісі, Forte
Кристина Альшевская — Арт-директор (CDO), Forte
Томирис Мейрембаева — Контент-менеджмент бағытының жетекшісі, Forte
Умитжан Жолдыбаева — Аға PR сарапшысы, Forte тарапынан жоба жетекшісі
Владислав Игнатьев — Аға дизайнер
Агенттік: Progression CA
Евгений Костылев — DASM-тың Бас креативті директоры
Юлия Тушина — DASM-тың Креативті бизнес жөніндегі CEO-сы
Александр Кузнецов — Басқарушы директор (әзірлеу кезеңі)
Наталья Пак — Басқарушы директор (қазіргі)
Даша Булахтина — Креативті директор
Мария Лескина — Арт-директор
Юлия Буторина — Клиенттік сервис директоры
Зульфия Джапарова — Аккаунт-директор
Софья Абдулжанова — PR директоры
Мүсінші:
Ербосын Мельдібеков — Мүсінші
